The news is by your side.

Advertisement

ایبٹ آباد: طوفانی بارشوں میں نایاب نسل کے 200 پرندے ہلاک

ایبٹ آباد: صوبہ خیبر پختونخواہ کے شہر ایبٹ آباد میں طوفانی بارشوں سے محکمہ جنگلی حیات کا دفتر زیر آب آگیا جہاں موجود نایاب نسل کے 200 پرندے ہلاک ہوگئے۔

تفصیلات کے مطابق صوبہ خیبر پختونخواہ کے شہر ایبٹ آباد میں طوفانی بارش سے شدید نقصان ہوا ہے، بارش میں محکمہ جنگلی حیات کے 200 پرندے بھی ہلاک ہوگئے۔

محکمہ جنگلی حیات کا کہنا ہے کہ ہلاک ہونے والے پرندے نایاب نسل کے تھے، نالوں کی صفائی نہ ہونے سے بارش کا پانی دفتر میں داخل ہوا اور دفتر زیر آب آیا جس کی وجہ سے پرندے ہلاک ہوئے۔

ایبٹ آباد میں بارش سے کئی مکانات بھی زیر آب آگئے جن میں پھنسے 62 افراد کو ریسکیو کرلیا گیا، مختلف حادثات میں 3 افراد زخمی بھی ہوئے۔

صوبائی ڈیزاسٹر مینجمنٹ اتھارٹی کے مطابق صوبے بھر میں بارشوں سے مختلف حادثات میں 3 بچوں سمیت 4 افراد جاں بحق ہوئے۔

پی ڈی ایم اے ترجمان کا کہنا ہے کہ وزیر اعلیٰ پختونخواہ ریسکیو آپریشن کی نگرانی کر رہے ہیں اور متعلقہ اداروں سے رابطے میں ہیں۔

Comments

یہ بھی پڑھیں