لاہور : مسلم لیگ ن کے رہنما رانا مشہود نے دعویٰ کیا ہے کہ 2020 عمران خان کے اقتدار کےخاتمے اور مڈٹرم انتخاب کا سال ہے، اتحادیوں سے جتنے مذاکرات کر لیں عثمان بزدار کی حکومت کو نہیں بچا سکتے۔
تفصیلات کے مطابق مسلم لیگ ن کے رہنما رانا مشہود احمد خان نے میڈیا سے بات چیت کرتے ہوئے کہا قوم مہنگائی بیروزگاری آٹا چینی کی قلت پر ہیجانی کیفیت میں ہے ، حکمرانوں کو حکومت بچانے کی فکر ہے۔
رانامشہود کا کہنا تھا کہ بند کمروں میں اتحادیوں کوکیا پیشکش کی جارہی ہیں کسی کو معلوم نہیں، اتحادیوں سے جتنے مذاکرات کر لیں عثمان بزدار کی حکومت کو نہیں بچا سکتے، 2020 عمران خان کے اقتدار کےخاتمے اور مڈٹرم انتخاب کا سال ہے۔
اسحاق ڈار کے گھر سے متعلق ن لیگی رہنما نے کہا کہ حکم امتناع کےباوجودشہزاداکبرکااسحاق ڈارکی رہائش گاہ کادورہ حکم کی دھجیاں اڑاناہے، ہم آج شہزاد اکبر کے خلاف عدالت سے رجوع کر رہے ہیں۔
حکومت پر تنقید کرتے ہوئے ان کا کہنا تھا کہ ریاست مدینہ کے دعویداروں نے حج بھی مہنگا کر دیا ہے۔
