دوحہ : قطر میں ہونے والے عالمی فٹبال کپ 2022 کا جنون دنیا بھر کے شائقین کی توجہ اپنی جانب مرکوز کیے ہوئے ہے، اس حوالے سے سوشل میڈیا پرمتعدد خبریں چل رہی ہیں۔
فٹ بال کپ کی ویڈیوز کے دوران ایک ویڈیو کلپ سوشل میڈیا پر پھیل گیا جس میں قطر 2022ء ورلڈ کپ کے دوران ویڈیو شیئر کرنے والے صارف کے مطابق ایک قطری محلے میں بہت بڑی دعوت دکھائی گئی۔
مذکورہ تقریب میں روایتی کپڑوں میں ملبوس کئی مرد بھی بڑے بڑے برتنوں سے کھانے کی سینکڑوں ڈشیں ڈالتے نظر آئے۔
@sultanalmamari9 حفل زفاف عمر أحمد زيد بن صبيع الخنبولي الشحي علي كريمة محمد زيد بن صبيع الخنبولي الشحي منطقة جلفار..رأس الخيمة السبت٥/١١/٢٠٢٢
کلپ اپ لوڈ کرنے والے نے یہ دعویٰ کیا کہ یہ ویڈیو قطری الریان کے علاقے الغرافہ کے پڑوس میں ورلڈ کپ کے دوران بنائی گئی تھی۔
اگرچہ اس ویڈیو کو سوشل نیٹ ورکنگ سائٹس پر کئی صفحات پر لاکھوں ویوز ملے لیکن یہ حقیقت سے بالکل برعکس ہے، تحقیق کرنے پر معلوم ہوا کہ یہ ویڈیو کلپ ورلڈ کپ شروع ہونے سے دو ہفتے قبل شائع ہوا تھا۔
مگر اس کا فیفا کپ سے کوئی تعلق نہیں یہ ویڈیو متحدہ عرب امارات میں ایک شادی کی ہے اور اس کا ورلڈ کپ یا قطر سے دور دور تک کوئی تعلق نہیں۔
