اسرائیلی فوج کی جانب سے فلسطینیوں کے خلاف جارحیت کا سلسلہ سال کے آخری دن بھی جاری رہا۔
غیر ملکی ذرائع ابلاغ کے مطابق 1948 میں نکبا کے بعد سال 2023 فلسطینیوں کے لیے انتہائی خوفناک سال ثابت ہوا، جس میں ہزاروں افراد اپنے پیاروں سے محروم ہوگئے۔
عرب میڈیا نے فلسطینی ادارہ شماریات کے حوالے سے بتایا کیہ نکبا کے بعد سال 2023 میں سب سے زیادہ فلسطینی شہادت کے رُتبے پر فائز ہوئے ہیں۔
غزہ کی پٹی پر اسرائیلی حملوں سے سال 2023 میں 22 ہزار 404 فلسطینی شہید ہوئے۔ مغربی کنارے میں اسرائیلی حملوں سے سال 2023 میں 506 فلسطینی شہید ہوئے۔
دوسری جانب اسرائیلی فوج کا کہنا ہے کہ وہ غزہ کی پٹی پر زمینی حملے میں حصہ لینے والے پانچ جنگی بریگیڈز کو واپس بلا لے گی۔
اسرائیل کے آرمی ریڈیو نے اطلاع دی ہے کہ 551ویں اور 14ویں ریزرو بریگیڈ کے علاوہ تین تربیتی بریگیڈ ”صورتحال کے جائزے اور لڑائی کے مطابق”پیچھے ہٹ جائیں گی۔
اسرائیلی فوج نے کہا ہے کہ وہ فضائی حملوں کو کم کر رہی ہے۔ یہ فلسطینی شہریوں کی حفاظت کے لیے نہیں بلکہ اسرائیلی فوجیوں کے تحفظ کے لیے کی گئی کوشش ہے۔
اسرائیلی فضائیہ میں تشویش پائی جاتی ہے کہ انہیں غزہ میں عمارتوں اور مقامات پر فضائی حملے کرنے کے لیے بلایا گیا ہے لیکن بعض اوقات اسرائیلی فوجی دھماکے کے بہت قریب ہوتے ہیں اور زخمی بھی ہوتے ہیں۔
سعودی عرب: سیلابی ریلے میں پھنسی طالبات کو بچا لیا گیا
الجزیرہ کے مطابق اسرائیلی میڈیا کا کہنا ہے کہ کچھ پائلٹوں نے مشن کو اڑانے سے بھی انکار کر دیا ہے کیونکہ وہ اپنی افواج کو ہونے والے نقصان کے بارے میں فکر مند ہیں۔
