ابوطبی: متحدہ عرب امارات میں کرونا کیسز کی روک تھام کے لئے بھاری جرمانوں کا اعلان کردیا گیا ہے۔
میڈیا رپورٹ کے مطابق متحدہ عرب امارات کے اٹارنی جنرل ڈاکٹر حماد سیف ال شمسی نے اس سلسلے میں ایک فہرست جاری کی ہے، فہرست میں جرمانے کی حدود کا تعین کیا گیا ہے، ساتھ ہی انہوں نے رہائشیوں پر زور دیا ہے کہ وہ قانون کی پاسداری کریں اور دوسروں کی حفاظت کے لئے قوانین پر عمل کریں۔
جرمانوں کو متعدد کتیگری میں تقسیم کیا گیا ہے جو کہ درج ذیل ہیں۔
پچاس ہزار جرمانہ
لازمی اسپتال میں داخل ہونے کی خلاف ورزی کرنایا مطلع کئے جانے کے باوجود تجویز کردہ علاج سے گریز کرنا،قرنطینہ کی خلاف ورزی کرنا۔
.شاپنگ مالز میں ایس او پیز کی خلاف ورزی
بیس ہزار جرمانہ
دھوکہ دہی یاغلط معلومات فراہم کرنا، جان بوجھ کر بیرون ملک سے آنے والے افراد کی تفصیلات نہ ظاہر کرنا، یا متعلقہ حکام کی ضرورت کے مطابق قرنطینہ کے طریقہ کار کو مکمل نہ کرنا۔
بیرون ملک سے ملازمین یا گھریلو ملازمین کو بھرتی کرنا اور ان کی آمد کا چھپانا، یامتعلقہ حکام کی ضرورت کے مطابق انہیں قرنطینہ کے طریقہ کار کے تابع نہ کرنا۔
نجی اداروں میں قرنطینہ کرنا۔ کووڈ کی تشخیص ہونے کے باوجود صحت کے حکام کو آگاہ نہ کرنا۔
دس ہزار جرمانہ
کنٹیکٹ ٹریسنگ ایپ پر رجسٹر نہ کرنا، یا ٹریکنگ ڈیوائس نہ پہننا،جان بوجھ کر ڈیوائس کو نقصان پہنچانا، ای ٹریکنگ میں نقص ہونے پر کال سینٹر کومطلع نہ کرنا۔
مقررہ کردہ کارکنوں یاکرونا سروس فراہم کرنے والوں سے باقاعدہ پی سی آر ٹیسٹ نہ کرانا۔
اجتماعات،اجلاسوں اور تقریبات میں کرونا ایس او پیز کی خلاف ورزیاں کرنا
پانچ ہزار جرمانہ
پوسٹرز لگانے کی عدم تکمیل کے لئے یہ بتاتے ہوئے کہ سہولیات اور مراکز میں سروس کرنے والوں نے منظور شدہ ویکسین مکمل کرلی یا وہ باقاعدگی سے پی سی آر ٹیسٹ لے رہے ہیں۔
ایس او پیز کے برخلاف ہونے والے اجتماعات میں مدعو کرنے پر
کرونا ایس او پیز کی خلاف ورزی کرنے پر
