The news is by your side.

دروازہ پر کوڑا پھینکے سے منع کرنے پر 22سالہ لڑکی کو قتل کردیا گیا

لاہور : دروازہ پر کوڑا پھینکے سے منع کرنے پر 22سالہ لڑکی کو فائرنگ کرکے قتل کردیا گیا، پولیس نے قاتل میاں بیوی کو گرفتار کرلیا۔

تفصیلات کے مطابق پنجاب کے دارلحکومت لاہور میں دروازہ پر کوڑا پھینکے سے منع کرنے پر لڑکی کو قتل کردیا گیا۔

پولیس نے کارروائی کرتے ہوئے قاتل میاں بیوی کو رحیم یار خان سے گرفتارکرلیا، ملزمان نے جھگڑے پر 22 سال کی نورین کو فائرنگ کر کے قتل کر دیا تھا۔

پولیس نے بتایا کہ ملزم علی رضا کی بیوی حلیمہ نے نورین کے گھر کے سامنے کوڑا پھینکا تھا، جس پر 22سالہ لڑکی نورین نے انھیں منع کیا۔

ایس پی انویسٹی گیشن زوہیب نصر رانجھا کا کہنا تھا کہ میاں بیوی مقتولہ کے قتل کے بعد کچے میں جاکر چھپ گئے تھے۔

زوہیب نصر رانجھا نے بتایا کہ دوران تفتیش ملزم سے قتل کا اسلحہ بھی برآمد ہوا ہے۔

Comments

یہ بھی پڑھیں