The news is by your side.

Advertisement

لمپی اسکن بیماری سے 225 جانور ہلاک

کراچی: لمپی اسکن بیماری سے مرنے والے جانوروں کی تعداد میں اضافہ جاری ہے، ہلاکتوں کی مجموعی تعداد 225 ہو گئی۔

تفصیلات کے مطابق دودھ دینے والے جانوروں میں جِلد کی بیماری کے وار جاری ہیں، صوبائی ٹاسک فورس نے لمپی اسکن بیماری سے متاثرہ جانوروں کے اعداد و شمار جاری کرتے ہوئے کہا ہے کہ اس بیماری سے ایک روز میں مزید 16 جانور مر گئے ہیں۔

صوبائی ٹاسک فورس کے مطابق بیمار جانوروں کی تعداد میں بھی مزید اضافہ ہوگیا ہے، گزشتہ ایک روز میں بیماری میں مبتلا جانوروں کے 398 نئے کیس سامنے آئے، جس سے بیمار جانوروں کی تعداد 27 ہزار 734 سے تجاوز کرگئی۔

کراچی میں سب سے زیادہ 16 ہزار 424، ٹھٹھہ میں 4 ہزار 493، حیدر آباد میں 645، سجاول میں 225، ٹنڈو محمد خان میں 808، بدین میں 887، سانگھڑ میں 717، مٹیاری میں 166، بے نظیر آباد میں 381، خیر پور میں 603، قمبر شہداد کوٹ میں 502، دادو میں 224، جامشورو میں 428، تھانہ بولا خان میں 761، چڈکیو میں 276 گائیں جلد کی بیماری سے متاثر ہو چکے ہیں۔

لمپی اسکن سے صحت یاب ہونے والے جانوروں کی تعداد بھی بڑھ کر 12 ہزار 101 ہو گئی۔

جانوروں میں بیماری : دودھ کی فروخت اور قیمت میں نمایاں کمی

وائرس سے مرنے والے جانوروں کی تعداد کراچی میں 26، ٹھٹھہ میں 46، حیدر آباد میں 12، سجاول میں 13، ٹنڈو محمد خان میں 6، بدین میں 7، سانگھڑ میں 10، مٹیاری میں 3، بے نظیر آباد میں 6، خیر پور میں 28، قمبر شہداد کوٹ میں 11، دادو میں 2، جامشورو میں 19، تھانہ بولا خان میں 28، چڈ کیو میں 6، اور جوہی میں 2 ہے۔

Comments

یہ بھی پڑھیں