منگل, فروری 18, 2025
اشتہار

‘جب سارے کام وفاق نے کرنے تو سندھ حکومت کا کیا کام؟ ‘

اشتہار

حیرت انگیز

لاڑکانہ: وفاقی وزیر علی زیدی نے وزیراعلیٰ سندھ مراد علی شاہ کو آصف زرداری کا ‘منشی’ قرار دے دیا ہے۔

تفصیلات کے مطابق لاڑکانہ میں نیوز کانفرنس کرتے ہوئے علی زیدی نے وزیراعلیٰ سندھ مراد علی شاہ کو آڑے ہاتھوں لیا اور کہا کہ سندھ میں اختیارات وزیراعلیٰ ہاؤس میں پھنس گئےہیں، انہوں نے گزشتہ سال بیس ستمبر کو ایک ہفتے میں اختیارات منتقل کرنےکا کہا تھا، مجھے ایسا لگتا ہے کہ دنیا کا سب سے لمبا ایک ہفتہ چل رہاہے۔

وفاقی وزیر نے کہا کہ سندھ حکومت سےکچرا اٹھتا ہے نہ نالے بنتے ہیں، سارے کام وفاقی حکومت کے ادارے کررہے ہیں، اگر سندھ میں سارے کام وفاق نے کرنے ہیں تو صوبائی حکومت کا کیا کام باقی رہ گیا ہے؟ جس کام کا یہ کریڈٹ لیتےہیں، وہ پرائیویٹ انٹرپرائز چلارہی ہے۔

پی ٹی آئی رکن قومی اسمبلی نے وزیراعلیٰ مراد علی شاہ کو آصف زرداری کا منشی قرار دیتے ہوئے کہا کہ مراد علی شاہ زرداری کے جوتے پالش کررہے ہیں جبکہ منشی مراد علی شاہ کوخوش رکھیں تاکہ وہ اوپرپہنچادے، ان لوگوں نے سندھ کو تباہ کردیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں