لاہور: پاکستان سپر لیگ سیزن سیون کامیابی کے ساتھ اپنے اختتام کی جانب گامزن ہے، آج پلے آف کا پہلا میچ کھیلا جائے گا، جیتنے والی ٹیم فائنل میں جائے گی۔
تفصیلات کے مطابق پاکستان سپر لیگ(پی ایس ایل) سیون کے پلے آف مرحلے کا پہلا میچ آج لاہور کے قذافی اسٹیڈیم میں کھیلا جائے گا، جہاں پہلے کوالیفائر میں دفاعی چیمپئن ملتان سلطانز کا مقابلہ لاہور قلندرز سے ہوگا، میچ ساڑھے 7 بجے شروع ہوگا۔
ایونٹ میں آج کے میچ میں جو جیتے گا وہ ٹورنامنٹ کا فائنل کھیلے گا جبکہ ہارنے والی ٹیم کے پاس ایک چانس اور ہوگا، آج شکست کھانے والی ٹیم پلے آف مرحلے کے دوسرے میچ کی ونر ٹیم کے ساتھ میچ کھیلے گی۔
یہ بھی پڑھیں: غیرملکی کھلاڑیوں کے جانے سے ٹیموں کی مشکلات بڑھ گئیں
پلے آف مرحلے کا دوسرا میچ اسلام آباد یونائیٹڈ اور پشاور زلمی کے درمیان 24 فروری کو کھیلا جائے گی، دوسرا میچ ہارنے والی ٹیم ٹورنامنٹ سے باہر ہوجائے گی۔
ٹورنامنٹ کا فائنل 27فروری کو کھیلا جائے گا۔
