اسلام آباد : سوشل میڈیا پلیٹ فارمز پر پروپیگنڈے کے الزامات کے تحت پاکستان تحریک انصاف کے 25 رہنماؤں اور سوشل میڈیا صارفین کو جے آئی ٹی میں ایک بار پھر طلب کرلیا گیا۔
اے آر وائی نیوز کی رپورٹ کے مطابق مذکورہ رہنماؤں اور دیگر کو جے آئی ٹی میں ریاست مخالف پروپیگنڈے کے حوالے سے طلب کیا گیا ہے۔
ذرائع کے مطابق تحریک انصاف کے رہنماؤں اور سوشل میڈیا ٹیم کو11مارچ کو دوبارہ بلایا گیا ہے، جن میں سلمان اکرم راجہ، رؤف حسن، فردوس شمیم نقوی، خالد خورشید، میاں اسلم اقبال، حماد رضا11 شامل ہیں۔
اس کے علاوہ طلبی نوٹس وصول کرنے والوں میں عون عباس، عالیہ حمزہ ملک، محمد شہباز شبیر، وقاص اکرم، کنول شوزب، تیمور سلیم خان اور اسد قیصر کےنام بھی شامل ہیں۔
ذرائع جے آئی ٹی کا کہنا ہے کہ شاہ فرمان، آصف رشید، زلفی بخاری اور دیگر کو بھی 11 مارچ کو طلبی کا نوٹس جاری کیا گیا ہے۔
جےآئی ٹی تحریک انصاف کے ان تمام افراد سے شواہد کی روشنی میں تحقیقات کر رہی ہے، مذکورہ تحقیقات ریاست مخالف پروپیگنڈے کے حوالے سے کی جارہی ہیں۔
یاد رہے کہ آج بھی جے آئی ٹی نے تحریک انصاف کے 25 افراد کو طلب کیا گیا تھا، اس موقع پر بیرسٹر گوہر، رؤف حسن اور شاہ فرمان جے آئی ٹی کے سامنے پیش ہوئے، جےآئی ٹی نے پی ٹی آئی کے رہنماؤں سے5گھنٹے تک تفتیش کی۔
مزید پڑھیں : چیئرمین پی ٹی آئی و دیگر رہنماؤں کی جے آئی ٹی میں پیشی
ذرائع کا مزید کہنا ہے کہ پی ٹی آئی رہنما شاہ فرمان نے جے آئی ٹی کے سامنے نامناسب رویہ اختیار کیا، جےآئی ٹی نے شاہ فرمان سے کچھ اضافی اور سخت سوالات بھی کیے گئے تھے۔
