دبئی: متحدہ عرب امارات نے تاریخی اقدام کرتے ہوئے ڈھائی ہزار غیر ملکیوں کو مستقل رہائش دے دی۔
تفصیلات کے مطابق یہ اعلان دبئی کے حکمران شیخ محمد بن راشد المکتوم نے اپنے آفیشل ٹوئٹر اکاؤنٹ پر کیا، پوسٹ میں شیخ محمد بن راشد المکتوم کی مستقل رہائش ملنے والے غیر ملکیوں کے ساتھ تصویر بھی شامل ہے۔
شیخ محمد بن راشد المکتوم نے لکھا کہ آج ہم ان لوگوں کے ساتھ خوشیاں منارہے ہیں جنہیں یو اے ای میں مستقل رہائش کا ’گولڈن کارڈ‘ دیا گیا ہے۔
احتفلنا بالدفعة الأولى من العلماء والباحثين والأطباء الذين تم منحهم الإقامة الذهبية الدائمة بالدولة وعددهم ٢٥٠٠ عالم وباحث ومبتكر ومستثمر … نرحب فيهم معنا وبيننا .. ونقول للجميع الإمارات بلد العلم والعلماء وأصحاب المواهب ورواد التغيير … pic.twitter.com/S5R5936T0L
— HH Sheikh Mohammed (@HHShkMohd) November 12, 2019
انہوں نے لکھا کہ ہم ڈھائی ہزار تارکین وطن کو خوش آمدید کہتے ہیں، ان غیرملکیوں میں دانشور، سائنس دان اور سرمایہ کار شامل ہیں۔
شیخ محمد بن راشد المکتوم نے کہا کہ متحدہ عرب امارات سائنس دانوں، پڑھےلکھے، سرمایہ کاروں اورایسے باصلاحیت افراد کی سرزمین ہے جو کایہ پلٹ دیں۔
ان کا کہنا تھا کہ ہم ایسے تمام تارکین وطن کا خیر مقدم کرتے ہیں اور آج ڈھائی ہزار باصلاحیت افراد کے پہلے گروہ کو مستقل رہائش کی سہولت دے رہے ہیں۔
واضح رہے کہ رواں سال مئی میں یو اے ای نے سعودی عرب کے نقشے قدم پر چلتے ہوئے تارکین وطن کے لیے مستقل رہائش کی اسکیم متعارف کرانے کا اعلان کیا تھا جس کے تحت باصلاحیت افراد کو ’گولڈن کارڈ‘ فراہم کرنا تھا۔
