site
stats
اہم ترین

دو ماہ میں 26 پاکستانی شہید، 107 زخمی، بھارتی ہائی کمشنر سے احتجاج

کراچی: لائن آف کنٹرول اور ورکنگ باؤنڈری پر بھارت کی مسلسل بلااشتعال فائرنگ پر دفتر خارجہ نے بھارتی ہائی کمشنر کو طلب کرکے احتجاج کیا ہے، سیکریٹری خارجہ نے کہا ہے کہ دو ماہ میں فائرنگ سے 26شہری شہید اور 107 زخمی ہوئے۔

دفتر خارجہ کے مطابق سیکریٹری خارجہ نے ایل او سی اور ورکنگ بائونڈری پر بھارت کی مسلسل بلااشتعال فائرنگ پر بھارتی ہائی کمشنر کو طلب کیا اور احتجاج کیا۔

سیکریٹری اعزاز چوہدری نے کہا کہ گزشتہ دو ماہ کے دوران 26 شہری شہید اور 107 زخمی ہوئے،بھارت عالمی قوانین کی خلاف ورزیاں کررہا اور شہریوں پر بلااشتعال فائرنگ کررہا ہے ،فائرنگ سے خواتین اور بچے بھی زخمی ہوئے جب کہ بھارت نے گزشتہ روز تیرہ برس بعد آرٹلری کا بھی استعمال کیا۔

انہوں نے کہا کہ اقوام متحدہ کے فوج مبصر مشن کے ساتھ تعاون کررہے ہیں لیکن بھارت بھی اقوام متحدہ کے وفد کو مقبوضہ کشمیر میں رسائی دے۔

دفتر خارجہ نے کہا ہے کہ بھارت فائر بندی کے سال 2003ء میں ہونے والے معاہدے کی مسلسل خلاف ورزی کررہا ہے، لائن آف کنٹرول اور ورکنگ بائونڈی پر ہونے والی فائرنگ کی مذمت کرتے ہیں،بھارت جان بوجھ کر شہری آبادی کو نشانہ بنارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top