کراچی : سندھ ہائیکورٹ میں 25 ویں آئینی ترمیم کے بعد پیدا ہونے والی صورتحال کے باعث میئر کراچی کے الیکشن کیخلاف درخواست کی سماعت ملتوی کردی گئی۔
تفصیلات کے مطابق کراچی میں 26 ویں آئینی ترمیم کے سندھ ہائیکورٹ پروسیڈنگز پر اثرات نمایاں ہونے لگے۔
سندھ ہائیکورٹ نے میئر کراچی کے الیکشن کیخلاف درخواست کی سماعت ملتوی کردی گئی،
تفصیلات کے مطابق سندھ ہائیکورٹ میں میئر کراچی کے الیکشن کیخلاف درخواست پر سماعت ہوئی، چیف جسٹس سندھ ہائیکورٹ کی سربراہی میں 2 رکنی بینچ نے سماعت کی۔
چیف جسٹس نے کہا کہ دو چار دن میں جانے کیا صورتحال ہوبہتر ہے سماعت ملتوی کی جائے، وکلا نے کہا کہ صوبائی اسمبلی کی قرارداد کی منظوری کےبغیرہائیکورٹس میں آئینی بینچ نہیں بن سکتا، آئینی ترمیم کے آرٹیکل 202 کے مطابق آئینی بینچ ہی یہ کیس سن سکتا ہے۔
چیف جسٹس کا کہنا تھا کہ صوبائی اسمبلی قراردادمنظور نہ کرےتب تک تمام بینچزمعمول کےمطابق کام کر رہے ہیں، کیا سندھ اسمبلی میں ایسی کوئی قرار داد لائی جارہی ہے۔
اےاےجی سندھ نے کہا کہ جب تک قرار داد منظور نہیں ہوتی تب تک بینچ کیس کی سماعت کرسکتا ہے، چیف جسٹس نے ریمارکس دیئے
عدالت درخواست گزار وکیل طارق منصور کے مؤقف سے اتفاق نہیں کرتی، بہتر ہوگا کہ ہم سماعت آئندہ ہفتے تک کیلئے ملتوی کردیں۔
