راولپنڈی : اسلام آباد ایئرپورٹ پر اے ایس ایف نے کارروائی کرتے ہوئے سعودی عرب جانے والے مسافر سے 2 کلو 38 گرام آئس ہیروئن برآمد کرلی۔
تفصیلات کے مطابق اسلام آباد ایئرپورٹ پربیرون ملک جانے والے مسافر کے سامان سے اے ایس ایف نے 2 کلو 38 گرام آئس ہیروئن برآمد کرلی۔
ایئرپورٹ سیکیورٹی فورسز کے مطابق صوابی کے رہائشی زرولی نے ہیروئن کپڑوں میں چھپائی گئی تھی، مسافرجدہ جا رہا تھا۔
اے ایس ایف حکام نے ہیروئن برآمد ہونے کے بعد مسافرکو انسداد دہشت گردی فورس (اے این ایف) کے حوالے کردیا۔
اسلام آباد ایئرپورٹ پرہیروئن قطراسمگل کرنےکی کوشش ناکام‘ مسافر گرفتار
یاد رہے کہ گزشتہ ماہ اسلام آباد ایئرپورٹ پراینٹی نارکوٹکس فورس نے قطرجانے والے مسافر سے ہیروئن کے 80 کیپسول برآمد کیے تھے۔
کراچی : ایئرپورٹ پرمسافر سے کروڑوں روپے مالیت کی ہیروئن برآمد
واضح رہے کہ 3 جون کو کراچی ایئرپورٹ پر سیکیورٹی فورس (اے ایس ایف) نے ہیروئن کی اسمگلنگ کی کوشش کو ناکام بناتے ہوئے مسافر کے قبضے سے دو کلو سے زائد ہیروئن برآمد کی تھی۔
