ڈھاکا: بنگلادیش دھماکوں کی زد میں آ گیا ہے، ایک ہفتے کے دوران 3 مختلف دھماکوں کے واقعات میں 28 افراد ہلاک ہو چکے ہیں۔
غیر ملکی میڈیا رپورٹس کے مطابق دو دن قبل بنگلادیش کے دارالحکومت ڈھاکا کے ایک مصروف علاقے میں کاروباری عمارت کے اندر ہونے والے ایک زبردست دھماکے میں کم از کم 18 افراد ہلاک اور 140 سے زائد زخمی ہو گئے ہیں، حکام نے منگل کو بتایا کہ ملک میں حال ہی میں اسی طرح کے دو دیگر مہلک دھماکوں کے بعد یہ بڑا دھماکا تھا۔
تین دھماکوں سے اب تک مجموعی طور پر مرنے والوں کی تعداد 28 ہو گئی ہے۔
اتوار کو ڈھاکا کی ایک کپڑے کی مارکیٹ میں اسی طرح کے دھماکے میں 3 افراد ہلاک اور متعدد زخمی ہوئے تھے۔ حکام کا کہنا ہے کہ وہ ابھی تک as حادثے کی وجہ معلوم نہیں کر سکے ہیں، تاہم فائر سروس گیس کے اخراج کے امکان کی تحقیقات کر رہی ہے۔
گزشتہ ہفتے کے روز صنعتی شہر سیتا کنڈا میں ایک آکسیجن پلانٹ میں ہونے والے مہلک دھماکے میں 7 افراد ہلاک اور کم از کم 25 دیگر زخمی ہو گئے تھے۔
