لاڑکانہ: سندھ میں ایک جانب سیلاب کی تباہ کاریاں جاری ہیں تو دوسری طرف سنگین انتظامی غفلت کے متعدد واقعات رپورٹ ہورہے ہیں۔
ایسا ہی ایک واقعہ پیپلز پارٹی کے گڑھ لاڑکانہ میں پیش آیا، جہاں تالاب میں ڈوب کر دو بہن بھائی سمیت تین بچے جاں بحق ہوگئے۔
رپورٹ کے مطابق واقعہ موہن جو ڈرو میں پیش اس وقت پیش آیا جب بچے کھیلتے ہوئے تالاب میں جاگرے اور زندگی سے ہاتھ دھو بیٹھے۔
جاں بحق بچوں کی شناخت چھ سالہ عالیہ، پانچ سالہ مزمل اور چار سالہ غلام رسول کے ناموں سے ہوئی، عالیہ اور مزمل دونوں سگے بہن بھائی تھے,تالاب سے لاشیں برآمد ہونے پر گھر میں صف ماتم بچھ گیا
یہ بھی پڑھیں: ڈی جی خان: 5 بچے تالاب میں ڈوب کر جاں بحق
افسوسناک واقعے کے بعد ورثااوراہل علاقہ نےاپنی مدد آپ کے تحت جاں بحق بچوں کی لاشیں نکال کر ڈوکری تحصیل اسپتال منتقل کیں۔
گذشتہ تین روز کے دوران سندھ میں بچوں کے تالاب میں ڈوب کر جاں بحق ہونے کا یہ دوسرا واقعہ ہے۔
اس سے قبل یکم اگست کو کندھ کوٹ میں زورگڑھ کے مقام پر تالاب میں چار بچے ڈوب گئے تھے،ڈوبنے والوں میں تین بچیاں اور ایک بچہ شامل تھا۔
