لاہور : پنجاب میں ڈینگی کے حملے جاری ہے ، گزشتہ روزپنجاب میں ڈینگی سے مزید 3 افرادانتقال کرگئے اور371 نئے کیسز رپورٹ ہوئے۔
تفصیلات کے مطابق پنجاب میں ڈینگی مریضوں کی تعداد اور اموات میں مسلسل اضافہ جاری ہے ، صوبے میں 24 گھنٹے کے دوران ڈینگی کے 371 کیسز رپورٹ ہوئے، جس میں سے 283 کا تعلق لاہور سے ہیں۔
سیکریٹری صحت نے بتایا گزشتہ روزپنجاب میں ڈینگی سے3 افرادانتقال کرگئے ، جس کے بعد رواں سال پنجاب میں ڈینگی سے86افرادانتقال کرچکےہیں۔
عمران بلوچ کا کہنا تھا کہ رواں سال پنجاب میں ڈینگی کیسزکی تعداد20ہزار558ہوگئی جبکہ اس دوران لاہور سے اب تک ڈینگی کے 15 ہزار 155 کیسز سامنے آچکے ہیں۔
انھوں نے بتایا پنجاب کےاسپتالوں میں ڈینگی کےایک ہزار993 مریض اور لاہورکےاسپتالوں میں ڈینگی کےایک ہزار357 مریض داخل ہیں جبکہ گزشتہ روز لاہورمیں 728 ان ڈوراورآؤٹ ڈورمقامات سے لاروا تلف کیا گیا۔
دوسری جانب اسلام آباد میں مزید پیتالیس افراد ڈینگی بخار میں مبتلا ہوگئے ، رورل ایریا سے اٹھائیس اور اربن ایریاسے سترہ ڈینگی کیس رپورٹ سامنے آئے ، جس کے بعد وفاقی دارلحکومت میں ڈینگی متاثرین کی تعداد چارہزاردوسوبانوے تک پہنچ گئی ہے۔
