site
stats
سندھ

کراچی: کالعدم تنظیم کے 3 ارکان گرفتار

کراچی: سی ٹی ڈی نے منگھوپیر میں مقابلے کے بعد تین خطرناک ملزمان کو گرفتار کر کے نامعلوم مقام پر منتقل کردیا جہاں ملزمان سے مختلف مقدمات میں تفتیش کی جارہی ہے۔

تفصیلات کے مطابق سی ٹی ڈی کی جانب سے گرفتار کیے گئے خطرناک دہشت گردوں کا تعلق کالعدم تنظیم ہے اور دہشت گردی کے سنگین جرائم میں پولیس کو مطلوب تھے جنہیں منگھو پیر کے علاقے میں جاوداں سیمنٹ فیکٹری کے نزدیک پولیس مقابلے کے بعد گرفتار کیا گیا ہے۔

ctd-post

سی ٹی ڈی کے ترجمان کے مطابق کالعدم تنظیموں کے گرفتار ملزمان سے 10 کلو باردو، ایک کلو بال بیرنگ ، ڈیٹونیٹرز اور اسلحہ برآمد ہوا ہے،ملزمان خود کش بمباروں کے ذریعے ملک میں تخریب کاری پھیلانا چاہتے تھے۔

اسی سے متعلق : کراچی، منگھو پیرمیں رینجرز کی کارروائی،3دہشت گرد ہلاک

گرفتار ملزمان لوگوں کو تربیت کے لیے جنوبی وزیرستان بھیجا کرتے تھے اور نوجوانوں کی ذہن سازی کرکے خودکش دھماکوں کے لیے تیار کیا کرتے تھے تا ہم سی ٹی ڈی نے بروقت کارروائی کرتے ہوئے تینوں ملزمان کو گرفتار کر لیا۔

سی ٹی ڈی کے ذرائع کے مطابق چھاپہ مار کارروائی میں گرفتار کیے گئے ملزمان کے نام آصف، تاج الدین اور اکبر ہیں جو کراچی میں ہونے والی دہشت گردی کی سنگین وارداتوں میں ملوث تھے ملزمان کی تلاش کے لیے کئی عرصے سے چھاپے مارے جارہے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top