اسلام آباد : وفاقی دارلحکومت اسلام آباد کے بڑے شاپنگ مال سے 3 سال کا بچہ لاپتہ ہوگیا ، پولیس نے متعلقہ علاقےکی سی سی ٹی وی فوٹیجز حاصل کرلیں۔

تفصیلات کے مطابق اسلام آباد کے بڑے شاپنگ مال سے 3سال کابچہ لاپتہ ہوگیا ، جس کا مقدمہ درج کر لیا گیا

بچے کی والدہ کی مدعیت میں تھانہ مارگلہ میں مقدمہ درج کیا گیا ، پولیس نے متعلقہ علاقے کی سی سی ٹی وی فوٹیجزحاصل کرلیں۔

2 خواتین اور ایک بچے کیساتھ اذلان کو پارکنگ کی طرف جاتے دیکھا گیا، والدہ کا کہنا تھا کہ 2خواتین اور ایک 7سال کا بچہ میرے 3 سالہ بچے کو لے گئے۔

مدعی مقدمے نے بتایا کہ گزشتہ روز رات ساڑھے 9 بجے شاپنگ کے دوران میرابچہ لاپتہ ہوا۔