بھارت میں کپڑوں کے شو روم میں شیشے کا دروازہ گرنے سے تین سالہ بچی ہلاک ہوگئی۔
بھارتی میڈیا رپورٹس کے مطابق لدھیانہ میں کپڑوں کے شوروم میں شیشے کا دروازہ بچی کے اوپر آگرا جس کے نتیجے میں بچی کی موت واقعہ ہوگئی۔
ویڈیو میں دیکھا جاسکتا ہے کہ بچی دروازے کا ہینڈؒ پکڑے ہوئے کھڑی تھی جب دروازہ اس کے اوپر آگرا۔
دروازہ بچی کے اوپر گرتے ہی لوگوں نے پہنچ کر دروازہ ہٹایا اور بچی کو اٹھا کر طبی امداد کے لیے اسپتال پہنچے جہاں ڈاکٹرز نے موت کی تصدیق کردی۔
بچی کے والدین نے پولیس میں کوئی شکایت درج نہیں کروائی۔
Painful: A 3-year-old girl died after a glass door of a garment showroom fell on her in Ludhiana. According to eyewitnesses, the girl was swinging around the door, holding the handle when the entire structure fell on her, causing severe injuries.
Please Note – Parents usually… pic.twitter.com/RkAWtr6x3z
— Gagandeep Singh (@Gagan4344) November 28, 2023
سوشل میڈیا صارفین کی جانب سے واقعے پر غم و غصے کا اظہار کیا جارہا ہے اور شوروم کے مالک کو سزا دینے کا مطالبہ کیا جارہا ہے۔
ایک صارف نے لکھا کہ ’افسوس، دکاندار کو ناقص تنصیب کی سزا ملنی چاہیے۔‘
دوسرے صارف نے لکھا کہ ’سب کو ہوشیار رہنا چاہیے کیونکہ شیشے کے ڈھانچے بغیر کسی ٹھوس فریم کے بنائے جاتے ہیں اور کسی قسم کا دباؤ برداشت نہیں کرسکتے۔‘
کئی سوشل میڈیا صارفین بچے کے والدین کی غفلت پر انہیں ذمہ دار ٹھہرانے لگے۔
