پاکستان تحریک انصاف کے چیئرمین عمران خان کی پولیس لائنز سے روانگی کے دوران کشمیر ہائی وے سے پی ٹی آئی کارکنان کی بڑی تعداد پہنچ گئی جنہیں گرفتار کرلیا گیا۔
اے آر وائی نیوز کے مطابق اسلام آباد میں دفعہ 144 متعدد قوائد کے ساتھ نافذ ہے اسی دوران جب سابق وزیر اعظم کی ہائیکورٹ میں پیشی کا وقت قریب آیا تو کارکنان کی بڑی تعداد سرینگر ہائی وے پہنچ گئی۔
عمران خان اسلام آباد ہائی کورٹ پہنچ گئے
اس دوران سرینگر ہائی وے کے دونوں اطراف ٹریفک روک دی گئی جبکہ پولیس کی بھاری نفری بھی اس جگہ موجود تھی، پولیس نے کشمیر ہائی وے سے پی ٹی آئی کارکنان کی پکڑ دھکڑ شروع کردی ان پر ڈنڈے برساتے ہوئے گرفتار کرلیا۔
اطلاعات کے مطابق سرینگر ہائی وے سے اب تک پی ٹی آئی کے 30 کارکن کو گرفتار کرلیا گیا ہے، ساتھ ہی عام شہری کو بھی کارکنان سمجھ کے پولیس نے گرفتار کرلیا۔