لاہور: صوبائی دارلحکومت لاہور میں بارش کا 30 سالہ ریکارڈ ٹوٹ گیا، تاجپورہ کے علاقے میں سب سے زیادہ 315 ملی میٹر بارش ریکارڈ کی گئی ہے۔
تفصیلات کے مطابق صوبائی دارلحکومت لاہور میں صبح سویرے شروع ہونے والی موسلادھار بارش مختلف علاقوں میں دن بھر وقفے وقفے سے جاری رہی۔
شہر کے مختلف علاقوں میں تیز بارش کے چار اسیپل ہوئے، سب سے زیادہ تین سو پندرہ ملی میٹر بارش تاجپورہ کے علاقے میں ریکارڈ کی گئی، موسلادھار بارش سے شہر کی سڑکیں تالاب کا منظر پیش کرتی رہیں، شہریوں کو مشکلات کا سامنا رہا اور شہریوں نے واسا عملے کی شکایات کے انبار لگادیے۔
صوبائی دارلحکومت میں ہونے والی موسلا دھا بارش نے تیس سالہ ریکارڈ توڑ دیا، سب سے زیادہ بارش 315 ملی میٹر تاجپورہ میں ریکارڈ کی گئی جبکہ لکشمی چوک 170، نشتر ٹاون 162 اور چوک ناخدا میں 155 ملی میٹر بارش ریکارڈ کی گئی۔
سیالکوٹ اور گردونواح میں وقفے وقفے سے بارش ہورہی ہے، بارش نے میونسپل انتظامیہ کی کارکردگی کا پول کھول دیا ہے، سڑکوں گلیوں میں پانی جمع ہے، شہریوں کو آمدورفت میں دشواری کا سامنا ہے۔
