معروف اداکار احسن خان نے پاکستانی مصنف اور ڈرامہ نگار انور مقصود کی صلاحیتوں کی تعریف کرتے ہوئے کہا کہ وہ خوش ہیں کہ انہیں انور مقصود جیسے اساتذہ ملے۔
فوٹو اینڈ ویڈیو شیئرنگ ایپ انسٹاگرام پراحسن خان نے ایک ویڈیو وائرل کی ہے، جس میں انور مقصود احسن خان کی صلاحیتوں کی تعریف کرتے ہوئے نظر آرہے ہیں، انہوں نے مذکورہ ویڈیو شیئر کرتے ہوئے لکھا کہ ’ جب آپ کے اندر عاجزی ہو کہ آپ جتنا بھی جانتے ہیں وہ کم ہےتو آپ مزید سیکھنا چاہیں گے۔‘
احسن خان نے کہا کہ ’یہاں معلومات کا ایک خزانہ ہے اور مہارت حاصل کرنے کے لیے بے شمار ہنر ہے، اگر آپ اس ہنر پر فخر کریں گے جو آپ پہلے سے جانتے ہیں تو آپ کو مزید سیکھنے کا بہت زیادہ حوصلہ نہیں مل سکے گا۔‘
اداکار نے مزید لکھا کہ ’جب آپ دنیا کے بارے میں اپنی تفہیم کو سیاق و سباق بناتے ہیں اور اس بات کی خود حوصلہ افزائی کرتے ہیں کہ آپ نے مزید آگے جانا ہے تو اس سے آپ میں مزید سیکھنےکی خواہش پیدا ہوتی ہے۔‘
ڈرامہ نگار انور مقصود کی تعریف کرتے ہوئے احسن خان نے لکھا کہ ’ وہ خوش ہیں کہ انہیں زندگی میں انور مقصود اور علی عدنان جیسے اساتذہ ملے ہیں، اللہ انہیں خوش رکھے۔
View this post on Instagram
