The news is by your side.

Advertisement

جدہ سے بے دخل پاکستانیوں کواسلام آباد پہنچادیاگیا

اسلام آباد : سعودی عرب سے بے دخل کیے گئے 36 پاکستانی نجی پرواز کے ذریعے بے نظیر انٹرنیشنل ایئر پورٹ پہنچ گئے جہاں ایف آئی اے دستاویزات کی جانچ پڑتال کر رہی ہے۔

تفصیلات کے مطابق 36 پاکستانیوں کوسعودی عرب سے بے دخل کردیا گیا ہے جس کے بعد بے دخل کیے گئے افراد کو جدہ سے اسلام آباد پہنچا دیا گیا ہے۔

بے نظیر انٹرنیشنل ایئر پورٹ پر ایف آئی اے حکام نے بے دخل کیے گئے افراد کے دستاویزات کی جانچ پڑتال کی اور مزید تحقیقات و ضروری کارروائی کے لیے ان افراد کو تحویل میں لے لیا ہے۔

ذرائع کے مطابق سعودی حکام کا دعوی ہے کہ بے دخل کیے گئے افراد غیر قانونی طور پر سعودی عرب پہنچے تھے اور نامکمل سفری دستاویزات کے ساتھ سعودی عرب میں مقیم تھے جنہیں ایک سرچ آپریشن کے دوران حراست میں لیا گیا تھا۔

سعودی حکام نے نامکمل سفری دستاویزات رکھنے والے افراد کو سعودیہ بدر کرنے کا حکم دے کر جدہ سے ایک نجی پرواز کے ذریعے اسلام آباد بھیج دیا گیا تھا۔

ذرائع کا کہنا ہے کہ ایف آئی اے بے دخل کیے گئے افراد سے تفتیش کے بعد انہیں سعودیہ بھیجنے والے ایجنٹس کے خلاف بھی تادیبی کارروائی کا فیصلہ کر لیا ہے جس سے انسانی اسمگلنگ میں ملوث گروہ کو پکڑنے میں مدد ملے گی۔

Print Friendly, PDF & Email

Comments

comments

یہ بھی پڑھیں