جنگ بندی کے تیسرے روز حماس کی جانب سے 13 یرغمایوں کو رہا کیے جانے کے بعد اسرائیلی جیلوں سے 39 فلسطینیوں کو رہا کر دیا گیا۔
اسرائیل کی جیل سروس کا کہنا ہے کہ انہیں اسرائیل اور حماس کے درمیان غزہ کی پٹی میں جنگ بندی کے معاہدے کے تحت رہا کیا گیا تھا۔
یہ اعلان اس معاہدے کے تحت فلسطینی علاقے میں 13 اسرائیلی اسیران کی رہائی کے بعد سامنے آیا جن میں تین تھائی باشندے اور ایک روسی-اسرائیلی دوہری شہریت والا شامل تھا۔
امریکی صدر جو بائیڈن کا کہنا ہے کہ 4 سالہ امریکی یرغمالی ابیگیل ایڈن کو حماس نے رہا کر دیا ہے۔
انہوں نے کہا کہ "وہ آزاد ہے اور اسرائیل میں ہے ہم توقع کرتے ہیں کہ مزید امریکی قیدیوں کو رہا کیا جائے گا۔
انہوں نے کہا کہ میں قطر کے امیر، مصر کے صدر سیسی اور اسرائیل کے وزیر اعظم نیتن یاہو کے ساتھ مل کر کام جاری رکھوں گا تاکہ تمام یرغمالیوں کی رہائی کے لیے ہر ممکن کوشش کی جا سکے۔
