پریٹوریا : پاکستان ویمن کرکٹ ٹیم نے جنوبی افریقہ کو تیسرے ٹی ٹوئنٹی میں چار وکٹوں سے شکست دے دی، ارم جاوید شاندار پرفارمنس پر پلیئر آف دی میچ قرار پائیں۔
تفصیلات کے مطابق قومی ویمن کرکٹ ٹیم کی شاندار پرفارمنس کا سلسلہ جاری ہے، پاکستان اور جنوبی افریقہ کی ویمن ٹیموں کے درمیان کھیلے جانے والے پانچ میچوں کی سیریز کا تیسرا ٹی ٹوئنٹی پاکستان نے اپنے نام کرلیا۔
پاکستان نے ٹاس جیت کر فیلڈنگ کا فیصلہ کیا، جنوبی افریقہ نے پہلے بیٹنگ کی اور تین وکٹوں کے نقصان پر ایک سو اڑتیس رنز بنائے، تیزمین برٹس ستر رنز کے ساتھ نمایاں رہیں۔
مزید پڑھیں : ثنا میر نے نیا عالمی ریکارڈ اپنے نام کرلیا
جواب میں پاکستانی ٹیم نے138رنز کا ہدف آخری اوور میں حاصل کرلیا، ارم جاوید نے پچپن رنز کی اننگز کھیلی، انہیں شاندار پرفارمنس پر پلیئر آف دی میچ قرار دیا گیا، سیریز میں پاکستان ٹیم کو دو ایک کی برتری حاصل ہے۔
