پشاور: صوبہ خیبرپختونخوا کے علاقوں میں زلزلے کے جھٹکے محسوس کیے گئے، شہری خوف و ہراس کا شکار ہوکر گھروں سے باہر نکل آئے۔
تفصیلات کے مطابق صوبہ خیبرپختونخوا کے مختلف علاقوں مالاکنڈ، سوات، بونیر، باجوڑ، لوئر دیر، بٹگرام میں زلزلے کے جھٹکے محسوس کیے گئے، زلزلہ پیما مرکز کے مطابق زلزلے کی شدت 4.7 اور گہرائی 10 کلو میٹر تھی۔
زلزلے کے جھٹکے مختصر دورانیے کے تھے، شہری خوف و ہراس کا شکار ہوکر گھروں سے باہر نکل آئے۔
زلزلہ پیما مرکز کے مطابق زلزلے کا مرکز مینگورہ سے 10 کلو میٹر جنوب مغرب میں تھا۔
مزید پڑھیں: بلوچستان کے ضلع ژوب میں زلزلے کے جھٹکے
واضح رہے کہ رواں ماہ 8 جون کو صوبہ بلوچستان کے ضلع ژوب میں زلزلے کے جھٹکے محسوس کیے گئے تھے، ریکٹر اسکیل پر زلزلے کی شدت 4.3 ریکارڈ کی گئی تھی۔
یاد رہے کہ رواں سال مارچ میں صوبہ بلوچستان کے دارالحکومت کوئٹہ، مستونگ ، مچھ، سبی ،بولان سمیت مختلف علاقوں میں زلزلے کے جھٹکے محسوس کیے گئے تھے، زلزلہ پیما مرکز کے مطابق ریکٹر اسکیل پرزلزلے کی شدت 5 ریکارڈ کی گئی تھی۔
