22.2 C
Ashburn
پیر, مئی 20, 2024
اشتہار

افغانستان، طالبان کے حملے میں 4 امریکی فوجی ہلاک، 3 زخمی

اشتہار

حیرت انگیز

کابل: بگرام ایئر بیس کے قریب طالبان کے حملے کے نتیجے میں 4 امریکی فوجی ہلاک اور 3 زخمی ہوگئے۔

غیرملکی خبررساں ادارے کے مطابق کابل میں بگرام ائیربیس کے قریب طالبان نے حملہ کیا جس کے نتیجے میں 4 امریکی فوجی ہلاک اور 3 زخمی ہوگئے، واقعے کے بعد افغان فورسز نے علاقے کو گھیرے میں لے لیا۔

حملے میں زخمی فوجیوں کو فوری طور پر اسپتال منتقل کیا گیا جہاں انہیں طبی امداد دی جارہی ہے۔

- Advertisement -

طالبان نے حملے کی ذمہ داری قبول کرتے ہوئے کہا ہے کہ حملہ خودکش تھا جس میں خودکش بمبار نے اپنی گاڑی کو بگرام ایئربیس کے قریب دھماکے سے اڑایا۔

دوسری جانب امریکی محکمہ دفاع کی جانب سے جاری بیان میں کہا گیا ہے کہ حملے میں امریکی ٹرک کے قافلے کو نشانہ بنایا گیا اور ممکنہ طور پر دھماکا خیز مواد گاڑی میں رکھا گیا تھا تاہم اس حوالے سے تحقیقات جاری ہیں۔

مزید پڑھیں: افغانستان کے شہر جلال آباد میں دھماکا، 2 افراد ہلاک، 5 زخمی

گورنرعبدالشکور قدوسی نے کہا ہے کہ امریکی فوجیوں پر حملہ دھماکا خیز مواد سے لیس گاڑی پھٹنے کے سبب ہوا ہے۔

رپورٹ کے مطابق رواں سال افغانستان میں امریکی فوجیوں کی ہلاکت کی تعداد 7 تک جاپہنچی ہے، گزشتہ سال طالبان سے جھڑپوں کے دوران 13 امریکی فوجی ہلاک ہوئے تھے۔

واضح رہے کہ ایک طرف امریکا اور طالبان کے درمیان مذاکرات ہورہے ہیں دوسری جانب طالبان کی جانب سے افغانستان میں سیکیورٹی فورسز کو نشانہ بنانے کا سلسلہ جاری ہے۔

یاد رہے کہ گزشتہ روز بھی افغانستان کے شہر جلال آباد میں دھماکے کے نتیجے میں 2 افراد ہلاک اور 5 زخمی ہوگئے تھے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں