گوجرانوالہ: صوبہ پنجاب کے شہر گوجرانوالہ میں شادی کی تقریب میں ہوائی فائرنگ سے 2 بچوں سمیت 4 افراد زخمی ہوگئے۔
تفصیلات کے مطابق گوجرانوالہ کے علاقے راہولی میں شادی کی تقریب میں ہوائی فائرنگ کے نتیجے 2 بچوں سمیت 4 افراد زخمی ہوگئے۔
پولیس کے مطابق فائرنگ سے زخمی ہونے والے افراد کو ڈی ایچ کیو اسپتال منتقل کردیا گیا، فائرنگ سے پانچ سالہ بچے سمیت 4 افراد زخمی ہوئے۔
سی پی او گوجرانوالہ کے مطابق ہوائی فائرنگ کے الزام میں دلہا اور اس کے بھائیوں سمیت 6 افراد کو گرفتار کرلیا جبکہ دیگر افراد کی گرفتاری کے لیے چھاپے مارے جا رہے ہیں۔
شادی کی تقریب میں نوجوان کی اندھا دھند ہوائی فائرنگ، ملزم گرفتار
خیال رہے کہ گزشتہ سال 9 دسمبر کو لاہور کے علاقے کاہنہ میں ممنوعہ خود کار اسلحے سے اندھا دھند فائرنگ کرنے والے نوجوان فاروق کو پولیس نے گرفتار کرلیا تھا۔
یاد رہے کہ 16اکتوبر کو لاہور کے علاقے مناواں میں ن لیگی ایم این اے سہیل بٹ کا چھوٹا بھائی زوہیب بٹ اور اس کے گن مین شادی کی تقریب میں اندھا دھند فائرنگ کرتے رہے، پولیس بااثر افراد کے سامنے خاموش تماشائی بنی رہی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانےکے لیے سوشل میڈیا پر شیئر کریں۔
