تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارت، دو بسوں میں خوفناک تصادم، 4 افراد ہلاک، 30 زخمی

علی گڑھ: اترپردیش کے ضلع علی گڑھ میں دو بسوں میں خوفناک تصادم کے نتیجے میں 4 افراد ہلاک اور 30 سے زائد زخمی ہوگئے۔

بھارتی میڈیا رپورٹس کے مطابق علی گڑھ میں ہریانہ روڈیز کی دو بسیں ٹکرا گئیں جس کے نتیجے میں 4 افراد موقع پر ہی ہلاک ہوگئے، حادثے میں 30 سے زائد افراد زخمی ہوگئے جن میں سے 4 کی حالت تشویش ناک بتائی جارہی ہے۔

حادثے کے بعد جائے وقوعہ پر پہنچنے والے علی گڑھ کے ضلعی مجسٹریٹ نے بتایا کہ یہ حادثہ ٹائر کے پھٹنے کے باعث پیش آیا، ایک بس دوسری بس سے ٹکرا گئی۔

جائے وقوعہ پر موجود علی گڑھ کے سینئر سپرنٹنڈنٹ پولیس نے بتایا کہ ایک بس علی گڑھ سے بلب گڑھ کی طرف جارہی تھی جس کے لودھا پولیس اسٹیشن کے کارسوا کے نزدیک پہنچتے ہی ٹائر پھٹ گیا جس کے باعث بس سامنے سے آنے والی دوسری بس سے ٹکرا گئی۔

پولیس کا کہنا ہے کہ مقامی لوگوں کی مدد سے زخمیوں کو اسپتال منتقل کردیا گیا جہاں 4 زخمیوں کی حالت نازک بتائی جارہی ہے۔

پولیس کے مطابق اس بات کا پتا لگایا جارہا ہے کہ دونوں بسوں میں کتنے افراد سوار تھے، زخمی افراد کو طبی امداد کی فراہمی جاری ہے، حادثے کے ذمہ دار بس ڈرائیور اور کنڈیکٹر کی تلاش میں چھاپے مارے جارہے ہیں۔

Comments

- Advertisement -