متحدہ عرب امارات کی ایئرلائنز نے 4 چھٹیوں میں مسافروں کے لیے خصوصی کرایوں کا اعلان کر دیا۔
یواے ای میں سال کے آخر میں 4 دنوں کی تعطیلات ایک ساتھ آرہی ہیں شہریوں کو یہ وقفہ یکم دسمبر سے 4 دسمبر بروز ہفتے تک جاری رہے گا۔
اماراتی ایئرلائنز نے قومی دن کی تعطیلات کے دوران رہائیشوں کو بیرون ملک چھٹیوں سے لطف اندوز ہونے کے لیے خصوصی پیکجز متعارف کروائے ہیں۔
ایئرعربیہ نے اعلان کیا ہے کہ 11 مقامات پر تعطیلات کے پیکج کی شروعات کرغرستان کے دارالحکومت بشکیک تک 1249 درہم فی کس سے ہے۔
شارجہ کی کم لاگت والی کیریئر نے الماتی اور سلالہ کے لیے خصوصی پیکجز متعارف کروائے ہیں جو کیف کے لیے 1499 درہم، ماسکو کے لیے 1649 درہم، باکو کے لیے 1675 درہم، استنبول اور تبلیسی 1799 اور 1949 درہم، تاشقند کے لیے 1999 اور نیروبی کے لیے 3359 درہم کے ٹکٹ رکھے ہیں۔ اس پیکج میں ریٹرن ٹکٹ، ناشتہ، 3 راتوں کا ہوٹل قیام بھی شامل ہے۔
فلائی دبئی نے باکو، یریوان، بلغراد، مالدیپ، شرم الشیخ، زنجبار، ترانہ، سراجیوو اور دیگر مقامات کے لیے زبردست پیکجز کا اعلان کیا ہے۔ اس میں کم سے کم پیکج1549 درہم سے شروع ہوگا جس کی بکنگ 20 سے 29 نومبر تک کی جا سکتی ہے۔