سعودی عرب میں آب زم زم کی تقسیم کار کمپنی ’الزمازمہ‘ نے رواں سال مملکت آنے والے عازمین حج کے لیے اپنی تیاریوں کو حتمی شکل دیدی ہے۔
سعودی خبر رساں ادارے عاجل نیوز کی رپورٹ کے مطابق ’الزمازمہ‘کمپنی کی جانب سے تربیتی ورکشاپس منعقد کی گئیں، جس کا مقصد فیلڈ سروس کے معیار کو بہتر بنانا اور عازمین کے مملکت آتے ہی ان کی تواضع آب زم زم سے کرنا ہے۔
کمپنی کے بورڈ کے رکن ڈاکٹر یاسر بن سلیمان شوشو کا اس حوالے سے کہنا تھا کہ منعقد کی جانے والی ورکشاپس کے ذریعے کارکنوں کو مکہ شہر کے اندر اور عازمین کی آمد کے پوائنٹس پرتعینات کرنا ہے تاکہ وہ عازمین حج کا بہترین استقبال کرتے ہوئے انہیں آب زم زم کی بوتلیں تقسیم کریں۔
پاکستانیوں سمیت عازمینِ حج کی سعودی عرب میں آمد کا سلسلہ جاری
ڈاکٹر یاسر نے کہا کہ اس سال ہمارا ہدف ہے کہ عازمین میں حج سیزن کے دوران 40 ملین آب زم زم کی بوتلیں تقسیم ہوں، اس حساب سے ہر ایک حاجی کو 22 بوتلیں دی جائیں گی۔
