جنوبی افریقہ میں ایک 40 ٹن وزنی وہیل کی پانی میں ڈبکیاں لگاتی ہوئی ویڈیو وائرل ہوگئی جس میں وہ پانی سے اوپر ہوا میں موجود دکھائی دے رہی ہے۔
کریگ نامی اسکوبا ڈائیور جس نے یہ ویڈیو ریکارڈ کی، کا کہنا ہے کہ یہ نہایت انوکھا منظر ہے جس میں قوی الجثہ وہیل پانی سے باہر چھلانگ لگاتی دکھائی دے رہی ہے۔
اس کا کہنا ہے کہ اس قدر وزنی وہیل جب پانی میں واپس گرتی تھی تو اس مقام پر ایک زوردار بھونچال سا پیدا ہوتا تھا اور پانی کئی فٹ اوپر تک ہوا میں اچھلتا تھا۔
کریگ کے مطابق یہ منفرد نظارہ یقیناً اس کی زندگی کا ناقابل فراموش نظارہ تھا اور وہ خود کو خوش قسمت سمجھتا ہے کہ اسے ایسا نظارہ دیکھنے کو ملا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
