لاہور : وفاقی حکومت نے امن و امان کی صورتحال خراب ہونے کے خدشے کے پیش نظر لاہور اور راولپنڈی میں رینجرز تعینات کردی۔
تفصیلات کے مطابق پنجاب حکومت کی سفارش پر وفاقی حکومت نے 2 اضلاع میں رینجرز تعینات کردی ، لاہور اور راولپنڈی میں 4 ہزار رینجرزجوان تعینات کئے گئے ہیں۔
پنجاب حکومت کا کہنا ہے کہ خدشہ ہے امن و امان کی صورتحال خراب ہوسکتی ہے اسلیے رینجرزتعینات کی گئی ہے۔
گذشتہ روز پنجاب حکومت نے صوبے میں امن و امان کی صورتحال برقرار رکھنے کے لیے رینجرز تعیناتی کی درخواست کی تھی۔
ذرائع کے مطابق پنجاب میں رینجرز تعیناتی کی درخواست وزارت داخلہ کو موصول ہو گئی ، جسے منظوری کے لیے وفاقی کابینہ کو بھجوا دیا گیا ،کابینہ کی منظوری کےبعد رینجرز تعینات کرنے کی منظوری دی جائے گی۔
