The news is by your side.

Advertisement

ایل او سی پر بھارتی فورسز کی فائرنگ، 45 سالہ شہری زخمی

اسلام آباد : بھارتی افواج کی دہشتگردانہ کارروائیاں نہ رک سکی، ایل او سی پر شہری آبادی پر بھارتی فورسز کی فائرنگ سے ایک شخص ہوگیا۔

بھارت کی درندہ صفت فورسز کی جانب سے معصوم شہریوں پر آگ برسانے کا سلسلہ جاری ہے، پاک فوج کے شعبہ تعلقات عامہ (آئی ایس پی آر) بھارتی فورسز ایک مرتبہ پھر لائن آف کنٹرول چری کوٹ سیکٹر پر بلا اشتعال فائرنگ کی ہے۔

آئی ایس پی آر کا کہنا ہے کہ بھارتی فوج نے جان بوجھ کر لائن آف کنٹرول پر شہریوں کو نشانہ بنایا، جس کے باعث 45 سالہ شہری بھارتی فوج کی فائرنگ کی زد میں آکر زخمی ہوگیا۔

ترجمان پاک فوج کا کہنا ہے کہ بھارتی فورسز کی فائرنگ کے نتیجے میں زخمی ہونے والے شہری کو اسپتال منتقل کردیا گیا ہے۔

اس سے قبل 10 دسمبر کو بھارتی فوج نے جنگ بندی کی خلاف ورزی کرتے ہوئے لائن آف کنٹرول کے کھوئی رتہ سیکٹر پر بھاری ہتھیاروں کے ساتھ بلااشتعال فائرنگ کی تھی۔

ایل او سی کا دفاع، بھارتی فوج کے عزائم خاک، وطن کے دو سپوت شہید

ڈی جی آئی ایس پی آر کے مطابق پاک فوج نے بھارتی اشتعال انگیزی کا بھرپور جواب دیا جس کے نتیجے میں دشمن فوج کو بھاری جانی نقصان اٹھانا پڑا، فائرنگ کے تبادلے میں پاک فوج کے دو جوانوں نے جام شہادت نوش کیا، شہید ہونے والوں میں لانس نائیک طارق اور سپاہی ضروف شامل تھے۔

Comments

یہ بھی پڑھیں