بلوچستان کے ضلع آواران میں بارش کے جمع پانی میں ڈوب کر 5 بچے جاں بحق ہو گئے۔
ڈی سی آواران عائشہ زہری کے مطابق واقعہ جھاوسر مستانی پٹ میں پیش آیا جہاں بارش کے جمع پانی میں بچےنہا رہے تھے کہ ڈوب کر جاں بحق ہو گئے۔
ڈوبنے والے بچوں کا تعلق ایک ہی خاندان سے ہے اور بچوں کی عمریں 2 سے 9 سال کے درمیان ہیں۔
- Advertisement -
بچوں کی لاشیں تالاب سے نکال لی گئی ہیں اور انہیں لواحقین کے حوالے کر دیا گیا ہے۔ واقعے پر علاقے میں سوگ کی فضا ہے اور اس ناگہانی پر علاقہ مکین رنج و غم کے عالم میں ہیں۔
حکام نے افسوسناک سانحہ پر دکھ اور افسوس کا اظہار کرتے ہوئے متاثرہ خاندان سے اظہارتعزیت کیا ہے۔
