کیف: یوکرین سے اناج کے 5 بحری جہاز روانہ ہو گئے، عالمی مارکیٹ میں گندم سستی ہو گئی۔
تفصیلات کے مطابق یوکرین سے اناج کی ترسیل کا عمل جاری ہے، مزید 5 اناج بھرے جہاز ملک سے روانہ ہو گئے۔
یوکرینی وزارتِ انفرا اسٹرکچر کے مطابق 23 ہزار ٹن مکئی اور گندم پر مشتمل مال بردار بحری جہاز یوکرینی بندرگاہ یوزہنی اور کورنو مورسک سے افریقہ کے لیے روانہ ہوئے۔
واضح رہے یوکرین سے سپلائی شروع ہونے سے عالمی مارکیٹ میں گندم سستی ہو گئی ہے، عالمی مارکیٹ میں گندم کی فی ٹن قیمت 7.75 یورو کی کمی کے بعد 332 یورو پر آ گئی ہے۔
یاد رہے کہ 22 جولائی کو ترکی، اقوام متحدہ، روس اور یوکرین نے استنبول میں یوزنی، چورنومورسک اور اوڈیسا کی یوکرینی بحیرہ اسود کی بندرگاہوں کو دوبارہ کھولنے کے لیے ایک معاہدے پر دستخط کیے تھے، تاکہ روس یوکرین جنگ کی وجہ سے پھنسے ہوئے یوکرینی اناج کو برآمد کیا جا سکے۔
