The news is by your side.

انار کے وہ 5 فوائد جو آپ کو حیرت میں ڈال دیں

انار ایک مکمل غذائیت سے بھرپور پھل ہے ، جس میں فائبر، پروٹین، وٹامن سی اور پوٹاشیم موجود ہوتا ہے، جو صحت کے لیے بے حد مفید ہیں۔

انار کو جنت کا پھل کہا جاتا ہے ، اسے قدیم زمانے سے حکمت میں بے پناہ اہمیت حاصل ہے، کیونکہ اس میں ایسے نباتاتی مرکبات پائے جاتے ہیں جو دوسرے عام پھلوں میں نہیں ہوتے۔

ویسے تو ہر پھل کے قدرتی فوائد ہیں اور ان میں اللہ نے مختلف بیماریوں سے شفا بھی رکھی ہے مگر آج ہم آپ کو بتائیں گے انار ہمارے لئے کس قدر مفید ہے۔

موٹاپے سے نجات کے لئے مفید

انار کا استعمال موٹاپے کا شکار افراد کے لیے نہایت مفید ثابت ہوتا ہے کیوں کہ فائبر زیادہ مقدار میں ہوتا اور کیلوریز کم مقدار میں پائی جاتی ہیں ، جس کے باعث انار زیادہ کھانے کی خواہش پیدا نہیں ہوتی اور قبض کا خطرہ بھی کم ہوتا ہے۔

انار کو جسمانی وزن میں کمی کے لیے بہترین غذا بھی تصور کیا جاتا ہے۔

بالوں کے گرنے سے روکتا ہے 

انار میں پائے جانے والا فیٹی ایسڈ بالوں کی جڑوں کو مضبوط بناتا ہے، جس کی وجہ سے بالوں کے گرنے میں کمی واقع ہوتی ہے

کینسر سے بچاؤ ممکن

انار کو اگر باقاعدگی کے ساتھ استعمال کیا جائے تو یہ چھاتی، بڑی آنت، اور مثانے کے کینسر سے بھی مدافعت فراہم کرتا ہے۔

اس کے چھلکے میں الیجک ایسڈ موجود ہوتا ہے، جو جلد کے کینسر کو بڑھنے سے روکتا ہے۔

خون کی کمی دور کرتا ہے

انار بھی ہیموگلوبن کی سطح بڑھانے میں مددگار پھل ہے، جس کی وجہ اس میں وٹامن سی کی موجودگی ہے جو آئرن کی موجودگی کو بڑھاتی ہے۔

انار حاملہ خواتین کے لیے بھی بہت مفید ہے ، دورانِ حمل انار کا باقاعدگی سے استعمال یہ انیمیا اور اکڑن سے محفوظ رکھتا ہے۔

امراضِ قلب اور فالج سے بچاتا ہے

انار کو دل کی صحت کے لیے ایک مفید پھل تصور کیا جاتا ہے کیوں کہ یہ فائبر سے بھرپور ہوتا ہے، اور ڈاکٹر دل کی صحت کو بہتر بنانے کے لیے ایسے پھلوں یا سبزیوں کو استعمال کرنے کا مشورہ دیتے ہیں جو فائبر سے بھرپور ہوتی ہیں۔

انار میں پائے جانے والے فائٹو کیمیکلز کولیسٹرول اور بلڈ پریشر کی سطح کم کرنے میں مددگار ثابت ہوتے ہیں، جس کی وجہ سے دل کی بیماریوں کے خطرات بہت حد تک کم ہو جاتے ہیں۔

اگر روزانہ انار کا تازہ جوس پیا جائے تو اس سے خون کی شریانوں میں خون کے لوتھڑے یا رکاوٹیں دو ہوجاتی ہے ، جو فالج اور دل کی دیگر بیماریوں کا باعث بن سکتا ہے۔

Comments

یہ بھی پڑھیں