The news is by your side.

Advertisement

خیبرپختونخوا میں پولیو کے 5 نئے کیسز سامنے آگئے

پشاور: خیبرپختونخوا میں پولیو کے 5 نئے کیسز رپورٹ ہوئے ہیں جس کے بعد صوبے میں پولیو کیسز کی تعداد 88 ہوگئی۔

تفصیلات کے مطابق خیبرپختونخوا میں پولیو کے 5 نئے کیسز سامنے آگئے جس کے بعد صوبے پولیو کیسز کی تعداد 88 ہوگئی ہے اور ملک بھر میں پولیو کیسز کی تعداد 123 تک پہنچ گئی ہے۔

بنوں میں ایک، ٹانک میں 2، ڈی آئی خان ایک اور مہمند میں ایک پولیو کیس رپورٹ ہوا ہے، ٹانک میں 30 ماہ کی بچی اور 5 ماہ کے بچے میں پولیو وائرس کی تصدیق ہوئی ہے۔

پولیو حکام کا کہنا ہے کہ ڈی آئی خان میں 24 ماہ کی بچی، بنوں کے 26 ماہ کے بچے میں پولیو کی تصدیق ہوئی ہے، پشاور کے ضلع مہمند کے 6 ماہ کے بچے میں پولیو وائرس کی تصدیق ہوئی ہے۔

مزید پڑھیں: بل گیٹس کا عمران خان کو خط ، ملک میں بڑھتے ہوئے پولیو کیسز پر اجلاس طلب کرنے پر شکریہ

دوسری جانب سندھ میں پولیو کا ایک اور کیس سامنے آگیا جس کے بعد پولیس کیسز کی تعداد 20 ہوگئی ہے۔

پولیو حکام کا کہنا ہے کہ وائرس دادو کی رہائشی 5 ماہ کی بچی میں رپورٹ ہوا، ایمرجسنی سینٹر فار پولیو سندھ نے بھی وائرس کی تصدیق کردی ہے۔

یاد رہے کہ خیبر پختونخواہ میں پولیو کی بڑھتی شرح پر وزیر اعظم عمران خان نے بھی تشویش کا اظہار کرتے ہوئے وفاق اور صوبوں کو پولیو کے خلاف مؤثر مہم چلانے کی ہدایت کی تھی، اور کہا تھا کہ پولیو کا خاتمہ حکومت کی اولین ترجیح ہے۔

fb-share-icon0
Tweet 20

Comments

comments

یہ بھی پڑھیں