اسلام آباد: گزشتہ چوبیس گھنٹوں کے دوران ملک میں کرونا انفیکشن سے 5 مریض انتقال کر گئے۔
نیشنل انسٹیٹیوٹ آف ہیلتھ پاکستان کے مطابق گزشتہ چوبیس گھنٹوں کے دوران ملک میں مزید 526 نئے کیسز سامنے آئے ہیں، جب کہ پانچ مریضوں کا انتقال ہو گیا۔
این آئی ایچ کا کہنا ہے کہ 24 گھنٹوں کے دوران ملک بھر میں 19 ہزار 312 کرونا ٹیسٹ کیے گئے، جن میں مثبت کیسز کی شرح 2.72 فی صد رہی۔
قومی ادارہ صحت کے مطابق کووِڈ نائنٹین سے ہونے والے انفیکشن کے باعث ملک بھر کے مختلف اسپتالوں میں زیر علاج 156 مریضوں کی حالت تشویش ناک ہے، جنھیں انتہائی نگہداشت میں رکھا گیا ہے۔
COVID-19 Statistics 17 August 2022
Total Tests in Last 24 Hours: 19,312
Positive Cases: 526
Positivity %: 2.72%
Deaths: 05
Patients on Critical Care: 156— NIH Pakistan (@NIH_Pakistan) August 17, 2022
واضح رہے کہ پاکستان میں مجموعی طور پر اب تک 15 لاکھ 64 ہزار 231 کرونا کیسز سامنے آ چکے ہیں، جب کہ مجموعی اموات کی تعداد 30 ہزار 537 ہو چکی ہے۔
