سڈنی: بنگلہ دیشی وکٹ کیپر کی غلطی سے حریف ٹیم کو 5 رنز اضافی مل گئے۔
تفصیلات کے مطابق ٹی ٹوئنٹی میچ کے گروپ ون میں جنوبی افریقا اور بنگلہ دیش کے درمیان جوڑ پڑا، جہاں پروٹیز نے بنگال ٹائیگرز کوچاروں شانے چت کرتے ہوئے ریکارڈ 109 رنز سے فتح سمیٹی۔
میچ کے دوران بنگلہ دیشی وکٹ کیپر کو ہوشیاری کرنا مہنگا پڑگیا جس کی پاداش میں جنوبی افریقن ٹیم کو 5 رنز اضافے دئیے گئے۔
شکیب الحسن نے 11 ویں اوور میں جب گیند کرانا شروع کی تو کیپر نور الحسن بال پھینکے جانے سے پہلے ہی وکٹوں سے دور ہٹ کر اپنے بائیں جانب آگئے۔
یہ بھی پڑھیں: ٹی 20 ورلڈ کپ، جنوبی افریقہ نے بنگلہ دیش کو با آسانی شکست دے دی
پھر جب شکیب الحسن نے گیند کرانا شروع کی تو کیپر دوبارہ وکٹوں کے پیچھے آگئے،آئی سی سی قوانین کے مطابق یہ خلاف قانون ہے۔
بعد ازاں فیلڈ امپائر روڈ ٹکر اور لینگٹن نے باہمی مشاورت کے بعد اسے وکٹ کیپرکی غلطی قرار دیا اور بنگلادیش پر پینلٹی لگاتے ہوئے جنوبی افریقا کو اضافی پانچ رنز دئیے۔
