حیدرآباد : نواحی علاقے میں 5 سالہ بچی کو مبینہ زیادتی کے بعد قتل کردیا گیا ، بچی کے جسم پر تشدد کے نشانات ہیں۔
تفصیلات کے مطابق حیدرآباد کے نواحی علاقے میں 5 سالہ بچی سے مبینہ زیادتی کا واقعہ پیش آیا تاہم کمسن بچی سول اسپتال میں دم توڑ گئی۔
ورثا نے الزام لگایا کہ ہماری بچی کو زیادتی کے بعد قتل کیا گیا، اسپتال انتظامیہ کا کہنا ہے کہ بچی کے جسم پر تشدد کے نشانات ہیں ، بچی سے زیادتی کی تصدیق میڈیکل رپورٹ میں ہوگی۔
سٹی پولیس کا کہنا تھا کہ بچی سے زیادتی کے شواہد ملے تو قانونی کارروائی ہوگی۔
مبینہ زیادتی وتشددکےواقعہ کے بعدایم پی اےناصر قریشی اسپتال پہنچ گئے اور ورثہ کو انصاف کی فراہمی کی یقین دہانی کرائی۔
اپوزیشن لیڈرحلیم عادل شیخ نے 5سالہ بچی سے مبینہ زیادتی کے بعد قتل کے واقعے کی مذمت کرتے ہوئے متاثرہ خاندان سے اظہار افسوس کیا۔
حلیم عادل شیخ کا کہنا تھا کہ بچیوں کےساتھ زیادتی،قتل کےملزم کسی رعایت کےمستحق نہیں،ایس ایس پی حیدرآباد ملزمان کو جلد منطقی انجام تک پہنچائیں۔
