لندن: برطانیہ میں چیلتن ہیم کے مکینوں کو متنبہ کیا گیا ہے کہ غلط دن کچرا دان گھر سے باہر رکھنے پر 50 ہزار پاؤنڈ جرمانہ ہوگا۔
غیرملکی خبررساں ادارے کے مطابق چیلتن ہیم کے مکینوں کو کہا گیا ہے کہ مقررہ تاریخوں کے علاوہ گھر کے باہر کچرا دن رکھنے پر 50 ہزار پاؤنڈ جرمانہ عائد ہوگا، اس حوالے سے نوٹس آویزاں کردئیے گئے ہیں۔
یہ نوٹس اس جگہ پر آویزاں کیے گئے ہیں جہاں کچرے کا ڈھیر لگا رہتا تھا، وارننگ میں کہا گیا ہے کہ کچرے کے تھیلے مکھیوں کی افزائش کے مترادف ہے۔
مذکورہ نوٹس چیلتن ہیم، گلاس ریڈز اور دیگر ہائی اسٹریٹس پر آویزاں کیے گئے ہیں، چیلتن ہیم میں کچرا منگل اور جمعہ کو اُٹھایا جاتا ہے۔
مزید پڑھیں: کوؤں کو کچرا چننے کی نوکری مل گئی
پیر کی رات 9 بجے سے منگل کی صبح 7 بجے اور منگل کو رات 9 بجے سے بدھ کی صبح 7 بجے کے دوران رکھے گئے کچرا دان مکھیوں کی افزائش گاہ تصور کیے جائیں گے اور 50 ہزار پاؤنڈ تک جرمانہ کیا جائے گا۔
نوٹس میں یہ بھی لکھا گیا ہے کہ اس علاقے کی سی سی ٹی وی سے مانیٹرنگ کی جارہی ہے۔
ایک کیفے کے مالک ابراہیم ڈنک نے کونسل کی اس سخت کارروائی کا خیر مقدم کیا ہے۔
