اسکاٹ لینڈ میں واقع جھیل کے پانی میں چلتے ہوئے پُراسرار دائرے کی ویڈیو نے سب کو چونکا کر رکھ دیا۔
دی سن کی جانب سے جاری ہونے والی ویڈیو کے مطابق اسکاٹ لینڈ میں واقع جھیل کے کنارے پر کھڑے شکاری نے پانی میں چلتا ہوا پُراسرار دائرہ دیکھا۔
کیلن وینگل نامی ماہی گیر نے بتایا کہ یہ دائرہ پانی میں کافی دور سے آہستہ آہستہ چلتا ہوا آرہا تھا۔ انہوں نے تھوڑی دیر بعد اس پُراسرار دائرے کی ویڈیو براہ راست نشر بھی کی۔
ویڈیو میں دیکھا جاسکتا ہے کہ یہ پُراسرار دائرہ کنارے پر لگے پودوں کے پیچھے سے نمودار ہوا جو پانی میں مخصوص راستے پر چلتا دوسری طرف گیا، ایک موقع پر تیز روشنی بھی ہوئی جس کی وجہ سے منظر ایک سیکنڈ کے لیے روشن ہوگیا۔
رپورٹ کے مطابق ماہی گیر منوسٹر جھیل میں ایک افسانوی آبی جانور کی تلاش میں اکثر رات کو مچھلیوں کا شکار کرنے جاتے ہیں کیونکہ اُن کا یہ ماننا ہے کہ ’لوچ نیس‘ رات کے وقت سطح آب پر آتا ہے۔
Loch Ness Monster hunter spots mysterious black shape moving across water pic.twitter.com/U1eFNVfs4D
— The Sun (@TheSun) April 5, 2021
دی سن کی شیئر کردہ ویڈیو کو اب تک گیارہ ہزار سے زائد صارفین دیکھ چکے ہیں جن میں سے کچھ خوفزدہ ہوئے جنہوں نے کمنٹس کر کے اپنی کیفیت کے بارے میں بتایا جبکہ کچھ نے اسے ایڈیٹڈ قرار دیا۔
