لاہور کے تاریخی والٹن ایئرپورٹ کو ہمیشہ کے لیے بند کردیا گیا۔
اے آر وائی نیوز کے مطابق سول ایوی ایشن اتھارٹی (سی اے اے) نے حکم جاری کیا ہے جس کے مطابق کل سے لاہور کا تاریخی والٹن ایئرپورٹ استعمال نہیں ہوگا۔
ایئرپورٹ منیجر کا کہنا ہے کہ ایئرپورٹ پر فلائنگ کلبز کو تمام طیارے گراؤنڈ کرنے کی ہدایت کردی گئی ہے۔
- Advertisement -
سول ایوی ایشن حکام کے مطابق والٹن ایئرپورٹ سے تربیتی پروازیں عارضی طور پر علامہ اقبال ایئرپورٹ منتقل کردی گئی ہیں۔
سی اے اے حکام کا کہنا ہے کہ نئے فلائنگ کلب کے لیے مریدکے میں جگہ مختص کی جاچکی ہے، ٹینڈر مکمل ہونے پر 6 سے 7 ماہ میں فلائنگ کلب مریدکے میں تعمیر کرلیا جائے گا۔
دوسری جانب فلائنگ کلبز انتظامیہ کا کہنا ہے کہ والٹن ایئرپورٹ پر 200 سے زائد اسٹوڈنٹ پائلٹ زیر تربیت ہیں، ایئرپورٹ کو ختم کرکے بزنس ڈسٹرکٹ کی جگہ بنائی جارہی ہے۔
