The news is by your side.

Advertisement

ٹک ٹاک اسٹار بنانے کا جھانسہ دیکر لڑکیاں اسمگل کرنے والا گروہ گرفتار

ڈھاکا: بنگلہ دیش میں ٹک ٹاک اسٹار بنانے کا جھانسہ دے کر لڑکیوں کو اسمگل کرنے والے گروہ کو گرفتار کرلیا گیا۔

غیرملکی خبررساں ادارے کی رپورٹ کے مطابق بنگلہ دیش میں گینگ کے سربراہ لڑکیوں کو ماڈل بنانے کا جھانسہ دے کر ان کا استحصال کرتے تھے اور متاثرہ لڑکیوں کو بلیک میل کرکے جنوبی بھارت اسمگل کیا جاتا تھا۔

بنگلہ دیشی حکام کے مطابق متاثرہ لڑکیوں کی عمریں 17 سے 22 سال کے درمیان ہیں۔

پولیس کا کہنا ہے کہ تمام ملزمان کو گزشتہ ایک ہفتے کے دوران حراست میں لیا گیا۔

رپورٹ کے مطابق گرفتاریاں مئی کے آخر میں بنگلہ دیشی خاتون کی مبینہ زیادتی کی ویڈیو فوٹیج سوشل میڈیا پر وائرل ہونے کے بعد ہوئی ہیں۔

پولیس کا کہنا ہے کہ پکڑے جانے والے تمام ملزمان بنگلہ دیشی شہری ہیں۔

بنگلہ دیشی پولیس کے مطابق ملزمان نے دوران تفتیش جرم کا اعتراف کرتے ہوئے بتایا کہ وہ اب تک ایک ہزار لڑکیوں کو بھارت اسمگل کرچکے ہیں۔

بنگلہ دیشی میڈیا کے مطابق 2019 میں ٹک ٹاک کی مقبولیت کے بعد ملزمان کم آمدنی والے خاندانوں کو نشانہ بنارہے ہیں۔

Comments

یہ بھی پڑھیں