The news is by your side.

Advertisement

کراچی پولیس نے اندھے قتل کا معمہ ڈھائی ماہ میں حل کرلیا

کراچی: شہر قائد میں پولیس نے اندھے قتل کا معمہ ڈھائی ماہ میں حل کرتے ہوئے ملزمان کو گرفتار کرلیا۔

اے آر وائی نیوز کے مطابق 11 اپریل کو کراچی کے علاقے لیاقت آباد سے رکشے میں ملنے والی لاش ڈاکو کی نکلی، واردات کے بعد رقم کی تقسیم کے تنازع پر ڈاکوؤں نے ساتھی کو فائرنگ کرکے قتل کیا۔

پولیس کا کہنا ہے کہ قتل میں ملوث ملزمان شاہ زیب، فاروق اور حبیب کو گرفتار کرلیا گیا۔

پولیس کے مطابق دوران تفتیش گینگ کے کارندے نے اپنے ہی ساتھی کو قتل کرنے کا اعتراف کرلیا، پولیس کا کہنا ہے کہ ملزمان ضلع سینٹرل میں ڈکیتی، اسٹریٹ کرائم کی درجنوں وارداتوں میں ملوث ہیں۔

ادھر ڈسٹرکٹ ایسٹ پولیس نے سی سی ٹی وی فوٹیج کی مدد سے سولجر بازار سے ٹارگٹ کلر چچا بھتیجا کو گرفتار کرلیا۔

پولیس کے مطابق ملزمان سے اسلحہ اور واردات میں استعمال ہونے والی موٹر سائیکل برآمد کرلی گئی۔

پولیس کا کہنا ہے کہ ملزمان نے بھتہ خوری کیس کے گواہ کو مارنے کے لیے فائرنگ کی تھی، ملزمان کی فائرنگ سے کیس کا گواہ زخمی ہوگیا تھا۔

پولیس کے مطابق دوران تفتیش ملزمان نے انکشاف کیا کہ زخمی گواہ کو والد اور بھائی کے خلاف گواہی دینے پر نشانہ بنایا، واردات کے بعد ملزمان فیصل آباد فرار ہوگئے تھے کراچی آتے ہی گرفتار کرلیا گیا۔

Comments

یہ بھی پڑھیں