خلیج میکسیکو کے سمندر میں اچانک آگ بھڑک اٹھی جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق جزیرہ نما یوکاٹن میں گزشتہ روز لگنے والی آگ سے متعلق آئل کمپنی پیمیکس کا کہنا ہے کہ پانی کے نیچے سے گزرنے والی گیس پائپ لائن میں لیکیج کی وجہ سے آگ لگی۔
ویڈیو میں دیکھا جاسکتا ہے کہ شعلے پانی کے اندر سے باہر نکل رہے ہیں اور آتش فشاں کے لاوا سے مشابہ لگ رہے ہیں جس کو سوشل میڈیا صارفین ’آئی آف فائر‘ کہہ رہے ہیں، یہ آگ آئل پلیٹ فارم پیمیکس کے قریب لگی۔
🚨 Sobre el incendio registrado en aguas del Golfo de México, en la Sonda de Campeche, a unos metros de la plataforma Ku-Charly (dentro del Activo Integral de Producción Ku Maloob Zaap)
Tres barcos han apoyado para sofocar las llamas pic.twitter.com/thIOl8PLQo
— Manuel Lopez San Martin (@MLopezSanMartin) July 2, 2021
کمپنی کے مطابق آئل پلیٹ فارم کے لیے گیس کی پائپ لائن کے اندر سے گزاری گئی ہے جو پلیٹ فارم کُومالوب زاپ سے جوڑتی ہے۔
کُو مالوب زاپ میکسیکو کی خلیج کے جنوری کنارے کے قریب واقع ہے۔
پیمیکس کے مطابق آگ لگنے کے واقعے میں کسی کے زخمی ہونے کی اطلاع نہیں ہے جبکہ پروڈکشن کے کام پر بھی کوئی فرق نہیں پڑا۔
کمپنی کا کہنا ہے کہ مقامی وقت کے مطابق صبح پانچ بج کر 15 منٹ پر آگ لگی جس کو صبح ساڑھے 10 بجے کے قریب مکمل طور پر بجھا دیا گیا۔
کمپنی کی جانب سے یہ بھی کہا گیا ہے کہ واقعے کی تحقیقات کی جائیں گی۔
