پشاور: قومی ٹیم کے فاسٹ بولر جنید خان نے ویکسین سے متعلق سربراہ این سی او سی اسد عمر سے سوال پوچھ لیا۔
تفصیلات کے مطابق خیبرپختونخوا اور گلگت بلتستان میں انسداد کورونا ویکسین کی عدم فراہمی پر ٹیسٹ کرکٹر جنید خان نے این سی او سی کے سربراہ اسد عمر سے سوال کیا۔
جنید خان نے سماجی رابطے کی ویب سائٹ ٹویٹر پر لکھا کہ ’اسد عمر کہتے ہیں خیبرپختونخوا اور گلگت بلتستان میں سیاحوں کے لیے کورونا ویکسین لازمی ہے، لیکن شاید شہرام ترکئی، اسد قیصر اور اسد عمر اس بات سے لاعلم ہیں کہ جس ویکسین کو وہ لازمی قرار دے رہے ہیں وہ دستیاب ہی نہیں ہے۔
فاسٹ بولر نے لکھا کہ ’صوابی مردان اور بونیر میں چھ یا سات ہفتوں پہلے ویکسین کی پہلی خوراک لگوانے والے افراد اب تک دوسری خوراک کے منتظر ہیں۔
I have asked in District Swabi District Mardan and District Bunair. No vaccine is available. Those that have taken their first dose more than 6/7 weeks ago are still waiting for their second dose. If they are not available where will people get vaccinated from? @Asad_Umar
— Junaid khan 83 (@JunaidkhanREAL) July 12, 2021
جنید خان کے پیغام کا جواب دیتے ہوئے این سی او سی نے کہا کہ خیبرپختونخوا میں کورونا ویکسین کی دس لاکھ سے زائد خوراکیں دستیاب ہیں، بونیر، صوابی اور مدان تینوں اضلاع میں کم از کم 30 ہزار خوراکوں کا ذخیرہ موجود ہے۔
ٹیسٹ کرکٹر نے ایک اور پیغام وضاحت دیتے ہوئے کہا کہ ان کی تنقید سیاسی مقصد کے تحت نہیں، ان اضلاع کے اسپتالوں میں اگرویکسین موجود ہے تو دکھا دیجئے، رابطہ کرنے کے لیے کوئی نمبر ان باکس میں بھیج دیں، اگر این سی او سی کی بات درست ہوئی تو وہ معافی بھی مانگ لیں گے۔
