کابل: افغانستان کرکٹ ٹیم کے کپتان راشد خان نے عالمی حکمرانوں کے نام پیغام شیئر کردیا۔
تفصیلات کے مطابق افغانستان کرکٹ ٹیم کے کپتان راشد خان نے سماجی رابطے کی ویب سائٹ ٹویٹر پر لکھا کہ ’افغانوں کا قتل عام اور افغانستان کو تباہ کرنا بند کریں۔
افغان کرکٹر نے لکھا کہ ’میرا ملک انتشار کا شکار ہے یہاں ہر روز ہزاروں معصوم لوگ شہید ہوتے ہیں ان میں بچے اور خواتین بھی شامل ہیں۔‘
راشد خان نے کہا کہ ’لوگوں کے گھر اور املاک کو تباہ کیا جارہا ہے، ہزاروں لوگ بے گھر ہوگئے، ہمیں انتشار میں مت چھوڑیں، ہم امن چاہتے ہیں۔‘
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
Don’t leave us in chaos. Stop killing Afghans & destroying Afghaniatan🇦🇫.
We want peace.🙏— Rashid Khan (@rashidkhan_19) August 10, 2021
واضح رہے کہ افغانستان میں طالبان اور فورسز کے درمیان جھڑپیں جاری ہیں جس کے نتیجے میں متعدد افراد ہلاک ہوچکے ہیں جبکہ طالبان نے کئی صوبوں پر قبضہ بھی کرلیا ہے۔
طالبان نے چار روز میں ساتویں صوبائی دارالحکومت پر قبضہ کرلیا، جن میں فراہ، ایبک، قندوز، سرپل، تالقان، شبرغن اور زرنج شامل ہیں۔
رپورٹ کے مطابق گورنر آفس، این ڈی ایس، پولیس ہیڈ کوارٹرز، انٹیلی جنس اور کمانڈ پوسٹیں، ایئرپورٹ سب طالبان کے کنٹرول میں چلے گئے۔
